अॅग्रोवन एनजीओ कार्यशाळा

सकाळ ॲग्रोवन तर्फे पुण्यात १७ व १८ मार्चला चर्चासत्र

पुणे (प्रतिनिधी) - राज्यातील कृषी व संलग्न क्षेत्राच्या विकासकार्यात शासनाच्या मदतीशिवाय किंवा शासनासोबत स्वतंत्रपणे कार्य करुन सामाजिक कारकीर्द घडवू इच्छिनाऱ्यांसाठी सकाळ ॲग्रोवन तर्फे बिगरसरकारी संस्था (एनजीओ) स्थापना ते उद्दिष्टप्राप्तीविषयक चर्चासत्राचे आयोजन करण्यात आले आहे. राज्यभरातील प्रगतिशील शेतकरी, कृषी व संलग्न व्यवसायिक,नोकरदार, विद्यार्थी, सेवाभावी वृत्तीने काम करु इच्छिनाऱ्या व्यक्तींसाठी हे चर्चासत्र उपयुक्त ठरणार आहे.

सध्या राज्य व देशपातळीवर अनेक स्वयंसेवी संस्था कार्यरत असून त्यांच्या माध्यमातून कृषी व ग्रामिण विकासाला मोठी चालना मिळालेली आहे. या संस्थांच्या मार्फत मोठ्या प्रमाणात रोजगारनिर्मिती झालेली आहे. आदर्श गाव योजना, जल व मृदसंधारणविषयक योजना, सार्वजनिक व खासगी गुंतवणुकीच्या (पीपीपी) योजना, विविध खासगी कंपन्यांसाठी सेवाभावी काम करणे, शासकीय कामांसाठीची कंत्राटी नोकरभरती, समाजाच्या विविध स्तरांच्या विकासासाठी सेवाभावी व्यक्ती, संस्थांनी दिलेल्या निधीचा योग्य वापर आदी असंख्य कामांसाठी एनजीओंना प्राधान्य देण्यात येत आहे.

एनजीओच्या माध्यमातून विकास, व्यवसायाच्या अनेक संधी खुल्या झाल्या आहेत. मात्र, एनजीओची स्थापना व कार्यपद्धती याविषयी पुरेशी माहिती उपलब्ध न झाल्याने त्यांच्या विस्तारावर मर्यादा आल्या आहेत. ही अडचण दूर करुन इच्छुकांना एनजीओच्या माध्यमातून स्वतःबरोबरच समाजाच्याही विकासाची संधी उपलब्ध करुन देण्यासाठी सकाळ ॲग्रोवनमार्फत या चर्चासत्राचे आयोजन करण्यात आले आहे. एनजीओ संबंधित विविध क्षेत्रातील तज्ज्ञ या चर्चासत्रात मार्गदर्शन करणार आहेत. ही कार्यशाळा सशुल्क असून वैयक्तिक पातळीवरील प्रशिक्षणाच्या दृष्टीने एका चर्चासत्रात फक्त ५० व्यक्तिंनाच प्रवेश देण्यात येणार आहे. प्रथम नोंदणी करणाऱ्यास प्रथम प्राधान्य यानुसार हे प्रवेश देण्यात येतील.

चर्चासत्रातील विषय...
- एनजीओ स्थापनेसाठी लागणारी माहिती, घटना, उद्दीष्टे
- एनजीओ व्यवस्थापन कसे करावे
- एनजीओ उभारणीसाठी कायदेशीर बाबी (धर्मादाय आयुक्त कार्यालय परवानगी, आयकर आयुक्त कार्यालय संबंधित बाबी)
- प्रकल्प अहवाल व उभारणी
- निधीची उभारणी (सीएसआर अंतर्गत, विदेशी सहभागाच्या अटी)
- शासकीय योजनांची एनजीओच्या सहयोगाने अंमलबजावणी
- शेतीविषयक काम करणाऱ्या संस्थांची यशोगाथा

असे आहे नियोजन
दिनांक - १७ व १८ मार्च २०१६
वेळ - सकाळी १० ते सायंकाळी ६
ठिकाण - सकाळनगर, गेट नं १, यशदाशेजारी, बाणेर रोड, पुणे
शुल्क - प्रतिव्यक्ती ३००० रुपये (चहा, नाश्ता, जेवण व प्रशिक्षण साहित्यासह)
प्रवेश - फक्त ५० व्यक्तिंसाठी
संपर्क - सुशांत ९८५०३०५६५४, ९४२३३९१९६९
------------------------------------