तुरळक ठिकाणी तापमानात घट

राज्यभर कोरडे हवामान
पुणे (प्रतिनिधी) ः हवामान खात्याने शुक्रवारी (ता.5) सकाळपर्यंत किमान तापमानात फारसा बदल न होण्याचा व सर्वत्र हवामान कोरडे राहण्याचा अंदाज व्यक्त केला आहे. बुधवारी सकाळपर्यंत कोकण व गोव्याच्याकाही भागात किमान तापमानात सरासरीपेक्षा लक्षणीय घट तर मध्य महाराष्ट्र व विदर्भाच्या काही भागात किमान तापमानात सरसरीहून किंचित घट झाली. मराठवाड्याच्या काही भागात किमान तापमानात सरासरीपेक्षा किंचित वाढ झाली. राज्याच्या उर्वरित भागात किमान तापमान सरासरीच्या जवळपास होते. राज्यात सर्वात कमी किमान तापमान नांदेड येथे 11 अंश सेल्सिअस नोंदवले गेले.

बुधवारी (ता.3) सकाळी साडेआठ वाजेपर्यंतच्या चोविस तासातील किमान तापमान अंश सेल्सिअसमध्ये ः मुंबई 20, अलिबाग 20.5, रत्नागिरी 19.1, पणजी 20.6, डहाणू 20.2, पुणे 12.9, नगर 12.5, जळगाव 12.6, कोल्हापूर 17.6, महाबळेश्‍वर 15, मालेगाव 15.2, नाशिक 12.8, सांगली 15.5, सातारा 12.8, सोलापूर 14.5, उस्मानाबाद 13.8, औरंगाबाद 15.4, परभणी 14.7, नांदेड 11, बीड 14.2, अकोला 15, अमरावती 15.2, बुलडाणा 16.4, ब्रम्हपुरी 13.8, नागपूर 11.6, वाशिम 17.2, वर्धा 14, यवतमाळ 13.6
--------------