हवामान अंदाज - १९ फेब्रुवारी

तापमानात हळूहळू
वाढीचा अंदाज

पुणे (प्रतिनिधी) ः येत्या रविवारी सकाळपर्यंत (ता.22) महाराष्ट्रातील तापमानात एक ते दोन अंशांनी वाढ होण्याचा अंदाज भारतीय हवामानशास्त्र विभागाने व्यक्त केला आहे. राज्यात सर्वत्र हवामान कोरडे असून कोकण, मध्य महाराष्ट्राच्या काही भागात किमान तापमानात सरासरीपेक्षा किंचित घट झाली आहे. राज्याच्या उर्वरीत भागात किमान तापमान सरासरीच्या जवळपास होते. राज्यात सर्वात कमी किमान तापमान नगर येथे 10 अंश सेल्सिअस नोंदवले गेले.

गुरुवारी (ता.19) सकाळी साडेआठ वाजेपर्यंतच्या चोविस तासातील किमान तापमान अंश सेल्सिअसमध्ये ः कुलाबा 21.2, सांताक्रुझ 18.4, अलिबाग 19.5, रत्नागिरी 16, पणजी 19.3, डहाणू 18.3, भिरा 14.5, पुणे 11.8, नगर 10, जळगाव 14, कोल्हापूर 17.4, महाबळेश्‍वर 14.6, मालेगाव 15.2, नाशिक 13.4, सांगली 15, सातारा 12, सोलापूर 16.6, उस्मानाबाद 16, औरंगाबाद 15, परभणी 17, नांदेड 12, अकोला 15.5, अमरावती 18.6, बुलडाणा 17, ब्रम्हपुरी 19, चंद्रपूर 18, नागपूर 15.7, वाशिम 20.8, वर्धा 16.6, यवतमाळ 14.8
----------