पुणे पासपोर्ट मेळावा, १७ जानेवारी

पुण्यात 17 जानेवारीला
विभागिय पासपोर्ट मेळावा

पुणे (प्रतिनिधी) ः पुणे, नगर, कोल्हापूर, सांगली, सातारा व सोलापूर जिल्ह्यातील पासपोर्ट काढण्यासाठी इच्छूक असलेल्या व्यक्तींसाठी विदेश मंत्रालयाच्या पुणे विभागिय कार्यालयामार्फत मुंढवा येथिल कार्यालयात येत्या 17 जानेवारीला मेळाव्याचे आयोजन करण्यात आले आहे. हा मेळावा सर्वसाधारण अर्जदारांसाठी असून त्यात 900 व्यक्तींना "अपॉईंटमेंट' देण्यात येणार आहे.

मेळाव्यात सहभागी होण्यासाठी इच्छूक व्यक्तींनी ऑनलाईन अर्ज आणि शुल्क भरणे बंधनकारक आहे. यासाठीच्या ऑनलाईन अपॉईंटमेंट नोंदणीचे संकेतस्थळ (www.passportindia.gov.in) रविवारी (ता.11) दुपारी 12 वाजता खुले होणार आहे. अर्जदारांनी "एआरएन' क्रमांक असलेले कागदपत्र, इतर कागदपत्रे आणि स्वयंसाक्षांकित अर्ज घेवून मेळाव्यास उपस्थित रहावे, असे आवाहन पासपोर्ट अधिकारी अतुल गोतसुर्वे यांनी केले आहे.
--------------------