सकाळी सकाळी डेअरीवर दुधं घालून
घराघरातले झाडून सगळे कारभारी गावात जमलेले. पारावर, चावडीवर, दुकानांच्या
पायऱ्यांवर, हाटेलाच्या बाकड्यांवर टोळकी टोळकी बसलेली. फोकलेलं बी इथं तिथं पडावं
तसे चहाचे कप विखूरलेले. काही अर्धे काही रिकामे. एखाद दुसरा पेपर... तो ही दहा
बारा जणांनी वाटून घेतलेला. चहाचे फुरके मारत तोंडाला फेस येईपर्यंत गप्पा
चाललेल्या...
""काय खरं नाय राव आज. पेपरात कायच नाय वाचायला.''
""नाही कसं ? मोदींचा फोटो, बातमी दिसली नाय तुम्हाला... आन्‌ दिसलं बी कशी ? तुम्हा राष्ट्रवादीवाल्यांच्या पोटात दुखतं ना मोदी म्हटल्यावर. तुम्हाला फक्त पवारांचं वाचायला पाहिजे.'' मोदीभक्तानं लगेच टोमणा हाणला. पण गप टोमणा खाईल तो माणूस कसला... ""तुम्ही लई मोदीचं तुणतुणं वाजिताना ना.. मंग तुम्हीच सांगा... नवं सरकार आल्यापासून तुमच्या कोणत्या कोणत्या मालाचं पैसं झालं ते. पवारांच्या काळातचं बंगला बांधला ना !'' मोदीभक्त पुन्हा पेटला... ""आरं पवार चार हजार दिवस कृषीमंत्री होते. मोदीचं अजून चारशे दिवस तरी झालेत का ?'' मोदी विरुद्ध पवार असं शब्दयुद्ध अर्धातास चाललं. मग चर्चेचं वारं पुन्हा उलटं फिरलं.
काहीही म्हणा... पण मोदींचा अभ्यास चांगला आहे राव. सोनिया बाईचं काय खरं राहिलं नाही. अजित दादाचं वेगळंच काहीतरी चाललंय. मोठं सायेब एक बोलतंय नी दादा दुसरं. घराणेशाही वाढायला लागलीये राव आता... बारामतीत पवार, इंदापूरात पाटील, आंबेगावात पाटील, भोरमध्ये थोपटे.. आता वल्लभशेठ उभा राहणार नाही, अतुलसाठी फिल्डींग लागवलीये. पण डाळ शिजल असं नाय वाटत. आशाताई लई जोरावर हे... हर्षवर्धन पाटलाला पाडील का रं यंदा भरणे मामा, वळसे पाटलाला तोडचं नाही यंदा. अरुण एवढे दिवस ताटाखालचं मांजर होता आणि आता एकदम वाघ झाला पण झेपल असं वाटत नाही त्याला. भाजप-सेनेचा जोर वाढलाय पण गाडा पलटी होईल, असं नाय वाटत.
बरं ते जाऊ द्या... तुम्हा जाणार का वळसे पाटलाकडं पित्राला. अजून आमंत्रण नाय आलं नेहमीसारखं पण येईल. आरं पण ते नवमीला घास टाकत्यात ना... बेनकेचं आमंत्रण नाय का वो यंदा पित्राचं... हर्षवर्धन लय मोठी पित्र घालनारंय म्हणे... पवारांच्या पित्राला आख्ख्या बारामतीला जेवण आसतं का वो... जाऊद्या.. आज गावात कोणाची पित्रंहेत ते बघा...
पायऱ्या, पार, चावडी, बाकडेही तेच. गडी फक्त बदलतात, विषय तेच. दिवसभर गप्पांची गुऱ्हाळं जोरात सुरु असतात.
स. दा. बिनकामे
--------------
""काय खरं नाय राव आज. पेपरात कायच नाय वाचायला.''
""नाही कसं ? मोदींचा फोटो, बातमी दिसली नाय तुम्हाला... आन्‌ दिसलं बी कशी ? तुम्हा राष्ट्रवादीवाल्यांच्या पोटात दुखतं ना मोदी म्हटल्यावर. तुम्हाला फक्त पवारांचं वाचायला पाहिजे.'' मोदीभक्तानं लगेच टोमणा हाणला. पण गप टोमणा खाईल तो माणूस कसला... ""तुम्ही लई मोदीचं तुणतुणं वाजिताना ना.. मंग तुम्हीच सांगा... नवं सरकार आल्यापासून तुमच्या कोणत्या कोणत्या मालाचं पैसं झालं ते. पवारांच्या काळातचं बंगला बांधला ना !'' मोदीभक्त पुन्हा पेटला... ""आरं पवार चार हजार दिवस कृषीमंत्री होते. मोदीचं अजून चारशे दिवस तरी झालेत का ?'' मोदी विरुद्ध पवार असं शब्दयुद्ध अर्धातास चाललं. मग चर्चेचं वारं पुन्हा उलटं फिरलं.
काहीही म्हणा... पण मोदींचा अभ्यास चांगला आहे राव. सोनिया बाईचं काय खरं राहिलं नाही. अजित दादाचं वेगळंच काहीतरी चाललंय. मोठं सायेब एक बोलतंय नी दादा दुसरं. घराणेशाही वाढायला लागलीये राव आता... बारामतीत पवार, इंदापूरात पाटील, आंबेगावात पाटील, भोरमध्ये थोपटे.. आता वल्लभशेठ उभा राहणार नाही, अतुलसाठी फिल्डींग लागवलीये. पण डाळ शिजल असं नाय वाटत. आशाताई लई जोरावर हे... हर्षवर्धन पाटलाला पाडील का रं यंदा भरणे मामा, वळसे पाटलाला तोडचं नाही यंदा. अरुण एवढे दिवस ताटाखालचं मांजर होता आणि आता एकदम वाघ झाला पण झेपल असं वाटत नाही त्याला. भाजप-सेनेचा जोर वाढलाय पण गाडा पलटी होईल, असं नाय वाटत.
बरं ते जाऊ द्या... तुम्हा जाणार का वळसे पाटलाकडं पित्राला. अजून आमंत्रण नाय आलं नेहमीसारखं पण येईल. आरं पण ते नवमीला घास टाकत्यात ना... बेनकेचं आमंत्रण नाय का वो यंदा पित्राचं... हर्षवर्धन लय मोठी पित्र घालनारंय म्हणे... पवारांच्या पित्राला आख्ख्या बारामतीला जेवण आसतं का वो... जाऊद्या.. आज गावात कोणाची पित्रंहेत ते बघा...
पायऱ्या, पार, चावडी, बाकडेही तेच. गडी फक्त बदलतात, विषय तेच. दिवसभर गप्पांची गुऱ्हाळं जोरात सुरु असतात.
स. दा. बिनकामे
--------------
No comments:
Post a Comment