करिअर कट्टा - समाजकल्याण

करिअर कट्टा
------------
समाजकल्याण आयुक्तालयात 402 पदांची भरती

पुणे समाजकल्याण आयुक्तालय आस्थापनेवरील विविध पदांच्या एकूण 402 जागा भरण्यासाठी ऑनलाईन अर्ज करण्यास मुदतवाढ देण्यात आली आहे. यानुसार आता उच्छूकांना 5 ऑक्‍टोबरपर्यंत ऑनलाईन अर्ज करता येणार आहेत. संगणकीय चलनाद्वारे बॅंकेत शुल्क जमा करण्याची अंतिम मुदत 7 ऑक्‍टोबर आहे. यानंतर ऑनलाईन अर्ज पूर्ण भरण्याचा कालावधी 10 ऑक्‍टोबरपर्यंत आहे.

या भरतीतून 44 गृहपाल व अधिक्षक, 70 वरिष्ठ लिपीक, 15 समाज कल्याण निरिक्षक, कनिष्ठ लिपिकांची आयुक्तालय स्तरावर चार, मुंबई विभागात 39, नाशिक विभागात 35, पुणे विभागात 55, औरंगाबाद विभागात 37, लातुर विभागात 22, अमरावती विभागात 23 तर नागपूर विभागात 58 रिक्त पदे भरण्यात येणार आहेत. या पदांच्या संख्येत वाढ किंवा घट होण्याची शक्‍यता असल्याचेही समाजकल्याण विभागाने स्पष्ट केले आहे.

महाराष्ट्र ज्ञान महामंडळामार्फत ही भरती प्रक्रीया राबविण्यात येणार आहे. भरतीअंतर्गत पहिल्या टप्प्यात 200 गुणांची लेखी परिक्षा घेण्यात येणार आहे. लेखी परिक्षेचा दिवस व ठिकाण अद्याप निश्‍चित झालेले नाही. अधिक माहिती व ऑनलाईन अर्जासाठी संकेतस्थळ ः http://oasis.mkcl.org/DSW2014
------------

मोफत नागरी सेवा परिक्षा प्रशिक्षण

राज्य शासनाच्या "राज्य प्रशासकीय व्यवसाय शिक्षण संस्थे'मार्फत (एसआयएसी, मुंबई) केंद्रीय लोकसेवा आयोगाच्या (युपीएस्सी) नागरी सेवा परिक्षा 2015 च्या पूर्व प्रशिक्षणासाठी राज्यातील 120 उमेदवारांना 11 महिने पूर्णवेळ विनामुल्य प्रशिक्षण देण्यात येणार आहे. यासाठीची प्रवेश परिक्षा येत्या 16 नोव्हेंबर 2014 रोजी घेण्यात येणार आहे. परिक्षेत सहभागी होण्यासाठी पात्र उमेदवारांकडून अर्ज मागविण्यात आले आहेत.

आसआयएसीच्या माजी विद्यार्थ्यांना या परिक्षेस बसता येणार नाही. प्रशिक्षणास प्रवेश घेतल्यानंतर उमेदवारांना प्रशिक्षण पूर्ण होईपर्यंत नोकरी अथवा इतर अभ्यासक्रमात सहभाग घेता येणार नाही. संस्थेचे वसतीगृह असून त्यातील मर्यादित जागांवर गुणवत्ता व प्रचलित नियमांआधारे प्रवेश देण्यात येतील.

ऑनलाईन पद्धतीने अर्ज करण्याची शेवटची तारिख 27 सप्टेंबर 2014 ही आहे. यासाठी शुल्या संवर्गासाठी 300 रुपये व आरक्षित संवर्गासाठी 150 रुपये परिक्षा शुल्क आहे. अधिक माहिती व ऑनलाईन अर्ज करण्यासाठी संकेतस्थळ - http://eforms.org.in/siac2014
---------------