पुणे वेधशाळेत 23 मार्चला हवामान प्रदर्शन

पुणे ः जागतिक हवामान दिनानिमित्त येत्या सोमवारी (ता.23) हवामान विभागाच्या पुणे वेधशाळेत (सिमला ऑफिस) हवामान विषयक प्रदर्शनाचे आयोजन करण्यात आले आहे. सकाळी 10 ते सायंकाळी पाच या वेळेत हे प्रदर्शन सुरु राहणार आहे.

भारतीय हवामानशास्त्र विभागामार्फत हवामान अंदाजासाठी वापरली जाणारे विविध उपकरणे, विभागाची यंत्रणा, विविध हवामान घटकांची माहिती, अंदाज, हवामान बदल विषयक अभ्यासाचे निष्कर्ष आदी माहिती व तंत्रज्ञान या प्रदर्शनात सर्वांना अभ्यासण्यासाठी उपलब्ध करण्यात येणार आहे. याविषयक प्रश्‍नांची उत्तरे हवामान विभागाच्या तज्ज्ञांकडून मिळविण्याची संधीही नागरिकांना मिळणार आहे. अधिकाधिक नागरिकांना या प्रदर्शनास भेट द्यावी, असे आवाहन हवामान खात्यामार्फत करण्यात आले आहे.
----------