देशी गोवंश संगोपनातील व्यवसायिक संधी

ऍग्रोवनमार्फत पुण्यात दोन दिवसीय चर्चासत्र

पुणे (प्रतिनिधी) ः गोवंशीय उत्पादनांच्या वाढत्या मागणीच्या पार्श्‍वभूमीवर ऍग्रोवनमार्फत राज्यभरातील शेतकऱ्यांसाठी "देशी गोवंश संगोपनातील व्यवसायिक संधी' या विषयावरील दोन दिवसांच्या विशेष चर्चासत्राचे आयोजन करण्यात आले आहे. येत्या 30 व 31 मार्चला पुण्यातील एस. एम. जोशी सभागृहात हे चर्चासत्र होणार असून त्यात अनेक मान्यवर तज्ज्ञ मार्गदर्शन करणार आहेत.

गेल्या काही वर्षात देशी गाईचे तुप, गोमुत्र, शेण, पंचगव्य व गोवंशापासून तयार होणाऱ्या उत्पादनांची मागणी मोठ्या प्रमाणात वाढली आहे. राज्यातील अनेक पशुपालक यशस्वीपणे गोसंगोपन व्यवसाय करत असून देशभरात उत्पादनांचा पुरवठा करत आहेत. देशी दुधाच्या डेअरीपासून गोमुत्राच्या डेअरीपर्यंत अनेक नवीन उपक्रम सुरु होत आहेत. गोपालक ते ग्राहक उत्पादनांची थेट विक्रीही वाढू लागली आहे. याशिवाय प्रक्रीया, संकलन, पॅकेजिंग, मार्केटींग यातही अनेक नव्या संधी खुल्या होत आहेत. याबाबत सखोल माहिती मिळवून व संबंक्षित क्षेत्रातील तज्ज्ञांशी जोडणी करुन व्यवसायवृद्धी करण्याची संधी पशुपालकांना या चर्चासत्रातून उपलब्ध होणार आहे. गोसंगोपन व्यवसायातून प्रगतीची संधी साधू पाहणाऱ्या राज्यातील अधिकाधिक पशुपालकांनी, नवउद्योजकांनी या चर्चासत्राचा लाभ घ्यावा, असे आवाहन आयोजकांमार्फत करण्यात आले आहे.

*चौकट
चर्चासत्रातील विषय...
- देशी गोवंश ओळख, महत्व, वैशिष्ट्ये, उपयोग
- शास्त्रशुद्ध पद्धतीने संगोपन व गोशाळा व्यवस्थापन
- गोवंश संवर्धनासाठीच्या शासकीय योजना
- बॅंकांच्या योजना, प्रकल्प अहवाल
- गोवंश आधारित उत्पादने आणि मानवी जीवन
- यशस्वी गोशाळेस भेट

*चौकट
असे आहे चर्चासत्र
- दिनाक ः 30 व 31 मार्च 2015
- वेळ ः सकाळी 10 ते सायंकाळी 5
- स्थळ ः एस.एम.जोशी सभागृह, पत्रकार भवन शेजारी, गांजवे चौक, नवी पेठ, पुणे 30.
- शुल्क ः प्रति व्यक्ती 3,000 रुपये (चहा, नाश्‍ता, जेवण व प्रशिक्षण साहित्य)
- प्रवेश ः फक्त 50 व्यक्तींसाठी
- अधिक माहितीसाठी संपर्क ः रुपेश 8888529500
--------------------------------------