गोठे नुतनीकरण - 31 मार्च अंतिम मुदत

पुणे ः पिंपरी चिंचवड व पुणे महानगरपालिकेच्या हद्दीतील जनावरांच्या गोठेधारकांनी जनावरांच्या प्रमाणात गोठ्याचे अनुज्ञप्ती किंवा नुतनीकरण शुल्क जिल्हा दुग्धव्यवसाय विकास अधिकारी कार्यालयात रोख रक्कम स्वरुपात येत्या 31 मार्चपर्यंत भरावे. अन्यथा संबंधीतांवर फौजदारी गुन्हा दाखल करण्यात येईल, अशा इशारा पशुसंवर्धन व दुग्धविकास विभागाने दिला आहे.

महानगर पालिकेच्या हद्दीत जनावरांचे संगोपन करण्यासाठी, गोठ्यांसाठी पशुसंवर्धन विभागाचे परवानगी कायद्याने बंधनकारक आहे. जनावरांच्या प्रमाणात यासाठी शुल्क भरावे लागते. गोठेधारकांनी हे शुल्क येत्या 31 मार्चपर्यंत भरावे आणि गुरे पाळणे व त्यांची ने-आण करण्यासाठी गुरे नियंत्रण कायद्याची अंमलबजावणी करावी, असे आवाहन जिल्हा दुग्धव्यवसाय विकास अधिकारी हेमंत गडवे यांनी केले आहे.
----------