डॉ. बनसोड यांना कांस्यपदक

पुणे ः डॉ. आण्णासाहेब शिंदे कृषी अभियांत्रिकी महाविद्यालयाच्या (राहूरी, नगर) मृद व जलसंधारण अभियांत्रिकी आणि प्रक्षेत्र संरचना व ग्रामिण विद्युतिकरण विभागांचे प्रमुख डॉ. रविंद्र बनसोड यांना धुळे येथे नुकत्याच झालेल्या महाराष्ट्र राज्य खुल्या मास्टर्स ऍथेलेटिक्‍स स्पर्धेत 100 मिटर धावण्याच्या स्पर्धेत कांस्यपदक मिळाले. गोव्यात होणाऱ्या खुल्या नॅशनल मास्टर्स ऍथेलेटिक्‍स स्पर्धेसाठी त्यांची निवड झाली आहे.

डॉ. बनसोड यांनी बुद्धीबळ, मैदानी स्पर्धा, विविध कलागुण, परिसंवादांमध्ये अनेक पारितोषिके मिळवली आहेत. चेस फेडरनेशन ऑफ इंडिया या बुद्धिबळाच्या राष्ट्रीय संस्थेने त्यांची सिनिअर नॅशनल चेस आरबिटर म्हणून निवड केलेली आहे. राज्यस्तरीय व राष्ट्रीय युवक महोत्सवात त्यांनी महात्मा फुले कृषी विद्यापीठाचे संघप्रमुख म्हणून नेतृत्व केले आहे. कृषी महाविद्यालय पुणे येथे वॉटरशेड पार्क व कल्चरल फोरम उभारण्यातही त्यांनी मोलाचे योगदान दिलेले आहे.
-----------------