अॅग्रोवन गाईड उद्घाटन, विकास देशमुख

पुणे (प्रतिनिधी) ः ""अत्याधुनिक तंत्रज्ञान, अद्ययायवत माहिती आणि अन्नधान्यापासून फलोत्पादनापर्यंत सर्वच पिकांचा समावेश यामुळे "ऍग्रोवन गाईड' हा ग्रंथ राज्यभरातील शेतकऱ्यांसाठी ज्ञानेश्‍वरीप्रमाणेच उपयुक्त ठरेल. शेतकऱ्यांचा त्यामुळे खुप मोठा फायदा होईल, याची खात्री वाटते.'' असे मत राज्याचे कृषी आयुक्त विकास देशमुख यांनी व्यक्त केले.

ऍग्रोवनमार्फत तयार करण्यात आलेल्या ऍग्रोवन गाईड या पुस्तकाचे प्रकाशन श्री. देशमुख यांच्या हस्ते सकाळ कार्यालयात झाले. यावेळी ते बोलत होते. ऍग्रोवनचे संपादक आदिनाथ चव्हाण, उपसरव्यवस्थापक प्रमोद राजेभोसले आदी मान्यवर यावेळी उपस्थित होते. शेतकऱ्यांसाठी शेतीविषयक माहिती व तंत्रज्ञान प्रसाराचे कार्य ऍग्रोवनमार्फत अतिशय प्रभावीपणे करत असल्याबद्दल त्यांनी यावेळी ऍग्रोवनचे विशेष आभार मानले.

श्री. देशमुख म्हणाले, राज्यातील शेतकऱ्यांसमोर अनेक आव्हाणे उभी आहेत. या आव्हाणांचा सामना करण्यासाठी अत्याधुनिक माहिती व तंत्रज्ञान अतिशय महत्वाचे आहे. अशा स्थितीत शेतकऱ्यांना आवश्‍यक ती सर्व माहिती व तंत्रज्ञान पोचविण्याचे कृषी विभागाचे काम ऍग्रोवन अतिशय समर्थपणे करत आहे. हे कृषी क्षेत्राला वाहिलेले एकमेव दैनिक आहे. त्यात राज्यातीलच नाही तर इतर राज्ये, देश परदेशातील शेतीविषयक बातम्या, माहितीही खूप चांगली असते. त्याचा चांगला परिणाम होतो. यामुळे कृषी खात्याच्या राज्यभरातील यंत्रणेमार्फत ऍग्रोवनला शेतकऱ्यांच्या भल्यासाठी सर्वतोपरी मदत केली जाईल.

श्री. चव्हाण यांनी यावेळी ऍग्रोवन गाईडच्या निर्मितीचा प्रवास उलगडला. शेती व पिकांविषयी बाजारात अनेक प्रकाशने आहेत. मात्र अनुकरनिय, आधुनिक, ताजी व विश्‍वासाहार्य माहिती असलेल्या प्रकाशनाची कमतरता जाणवत होती. ही कमी भरुन काढण्यासाठी ऍग्रोवनमार्फत हा महत्वाकांक्षी प्रकल्प हाती घेण्यात आला. कमीत कमी शब्दात अधिकाधिक माहिती, आकडेवारी, चौकटी, छायाचित्रे यांसह विषय मांडण्यात आले आहे. कृषी विद्यापीठांचे शास्त्रज्ञ, प्राध्यापक, राज्यातील कृषी तज्ज्ञ, प्रगत शेतकरी यांनी यासाठी मोलाचे योगदान दिले आहे. यातून सर्वसमावेशक व अत्याधुनिक माहितीसह अतिशय परिपूर्ण ग्रंथ तयार झाला आहे. शेतकऱ्यांनी त्याचा लाभ घ्यावा.
--------------
*चौकट
- लवकरच सर्वत्र उपलब्ध
ऍग्रोवन गाईड हा कृषीग्रंथ राज्यभरातील वृत्तपत्र विक्रेत्यांमार्फत लवकरच उपलब्ध होणार आहे. पुस्तक संपूर्ण रंगित असून त्याची किंमत 300 रुपये आहे. यामध्ये राज्यातील प्रमुख 35 पिकांची संपूर्ण माहिती, विविध शेतीपद्धती, अर्थकारण, शेतीपुरक उद्योग, शासकीय योजना, बॅंकांच्या योजना आदी सविस्तर माहितीचा समावेश आहे. पुस्तकासाठी नजिकचा वृत्तपत्र विक्रेत्याशी किंवा 9881598815 या दुरध्वनी क्रमांकावर संपर्क साधावा.
--------------