यवतमाळ डाळींब प्रशिक्षण

पुणे ः कृषी तंत्रज्ञान व्यवस्थापन यंत्रणा (आत्मा), यवतमाळ व अखिल महाराष्ट्र डाळिंब उत्पादक संशोधन संघ, पुणे (डाळिंब संघ) यांच्या संयुक्त विद्यमाने येत्या रविवारी (ता.26) यवतमाळ येथील गुरुदेव मंगल कार्यालयात जिल्हास्तरीय डाळींब पिक प्रशिक्षण वर्गाचे आयोजन करण्यात आले आहे. महसूल राज्यमंत्री संजय राठोड यांच्या हस्ते प्रशिक्षण कार्यक्रमाचे उद्घाटन होणार आहे. डाळींब संघाचे अध्यक्ष अरुण देवरे कार्यक्रमाच्या अध्यक्षस्थानी असतील.

आमदार लमदन येरावार, जिल्हाधिकारी राहुल महिवाल, विभागिय कृषी सहसंचालक शु.रा. सरदार, जिल्हा अधिक्षक कृषी अधिकारी दत्तात्रय गायकवाड यावेळी उपस्थित राहणार आहेत. वसंतराव नाईक मराठवाडा कृषी विद्यापीठाचे संशोधन संचालक डॉ. दत्तप्रसाद वासकर व मोडनिंब (सोलापूर) येथिल कृषी महाविद्यालयाचे प्राध्यापक प्रशांत कुंभार हे यावेळी डाळींब लागवडीपासून फळ विक्रीपर्यंतच्या सर्व बाबींवर तज्ज्ञांमार्फत मार्गदर्शन करणार आहेत. जिल्ह्यातील अधिकाधिक शेतकऱ्यांनी या प्रशिक्षणाचा लाभ घ्यावा, असे आवाहन आत्मा व डाळिंब संघामार्फत करण्यात आले आहे.
--------------